Lelakune santri naliko luru ilmu njiret weteng, nyengkal moto, dzikir, lan puoso.
Sregep nderes Al Qur'an sregep wiridan
Sregep apalan sedoyo pelajaran.
Apal iku setengahe faham lan nguasani ilmu.

Ngertenono santri ilmu iku koyok jaran
ditaleni dicancang supoyo ora ilang.
Ditulis kanthi setiti, dimaknani sing rapi
dideres rino wengi supoyo mlebu ati.
Nak wis manjing dilakoni dadi ilmu kang manfaati.

Gunakno toto kromo, tumrap sopo wae, lisan alus, sikap alus, budi kang utomo.
Takdim marang guru patuh opo dawuhe
khusnudzon marang perintahe dadi berkah marang ilmune.
Guru iku sumbere wahyu nyambung marang kanjeng nabi.

Jujur andhap asor iku sifat dadi santri
ojo sombong ojo kemaki niru akhlaq kanjeng nabi.
Puncake ilmu laku kang prasojo
welas asih marang liyo, wicaksono ing tulodho.
Ilmu iku dadi uyahe, akhlaq iku dadi tepunge.

Lungamu budhal ngaji
Oleh restu tiyang sepuh
diwanti-wanti hasile ojo nguciwakke
Ojo mung tura turu, lan ojo mung dolan wae.
Ayo sregep ngajine, ojo nglokro semangate.
Ilmu iku kanthi sinau, ora mung tura turu.